சூப்பர் 10 வாய்ப்பை தக்கவைத்தது பங்களாதேஷ்

நேபாள அணிக்கு எதிரான இருபதுக்கு -20 உலக கிண்ண போட்டியில், 8 விக்கெட் வித்தியாசத்தால் பங்களாதேஷ் அணி வெற்றி பெற்றது.

 

பங்களாதேஷில் சர்வதேச இருபதுக்கு - 20 உலகக்கிண்ண போட்டி இடம்பெறவுள்ளது.

 

மொத்தம் 16 அணிகள் பங்கேற்கும் இத்தொடரின், சூப்பர் -10 சுற்றுக்கான தகுதி போட்டியில் பங்களாதேஷ் மற்றும் நேபாள அணிகள் மோதின.

 

நாணயச் சுழற்சியில் வெற்றி பெற்ற பங்களாதேஷ் அணியின் அணித்தலைவர் முஷ்பிகுர் களத்தடுப்பை தெரிவு செய்தார்.

 

இதனையடுத்து களமிறங்கிய நேபாள அணி, 20 ஓவர் முடிவில் 5 விக்கெட்டுக்கு 126 ஓட்டங்கள் மட்டுமே எடுத்தது.

 

எளிய இலக்கை விரட்டிய  பங்களாதேஷ் 15.3 ஓவரில் 2 விக்கெட்டுக்கு 132 ஓட்டங்கள் எடுத்து 8 விக்கெட்டுகள் வித்தியாசத்தில் வெற்றி பெற்றதுடன், சூப்பர்-10 சுற்றுக்கான வாய்ப்பை தக்க வைத்தது.