அரையிறுதிக்குள் நுழைந்தது அவுஸ்திரேலியா

19 வயதிற்குட்பட்டோருக்கான உலகக் கிண்ண கிரிக்கெட் தொடரின் அரையிறுதிப் போட்டிக்கு அவுஸ்திரேலிய அணி தகுதிபெற்றுள்ளது.

டுபாயில் நடைபெற்ற மேற்கிந்திய தீவுகள் அணிக்கெதிரான காலிறுதிப் போட்டியில் அவுஸ்திரேலிய அணி 5 விக்கெட்டுக்களால் வெற்றிபெற்றது.

209 ஓட்டங்கள் என்ற வெற்றியிலக்கை நோக்கி, பதிலுக்கு துடுப்பெடுத்தாடிய அவுஸ்திரேலிய அணி 46.4 ஓவர்களில் 5 விக்கெட் இழப்பிற்கு வெற்றியிலக்கை எட்டியது.

போட்டியில் முதலில் துடுப்பெடுத்தாடிய மேற்கிந்திய தீவுகள் அணி 49.5 ஓவர்களில் சகல விக்கெட்டுக்களையும் இழந்து 208 ஓட்டங்களை மாத்திரமே பெற்றுக்கொண்டது.

பாகிஸ்தான், இங்கிலாந்து, தென்னாபிரிக்க அணிகள் ஏற்கனவே அரையிறுதிச் சுற்றுக்கு தகுதிபெற்றுள்ளன.