அறுவடை இயந்திர சாரதியாக வேலை செய்த இந்தியப்பிரஜை கைது!

சுற்றுலா விசாவில் இலங்கைக்கு வந்து சட்டவிரோதமாக சம்மாந்துறை நையினக்காடு வயல் பிரதேசத்தில் வேளாண்மை அறுவடை இயந்திர சாரதியாக வேலை செய்த தமிழ் நாட்டைச் சேர்ந்தவர் ஒருவரை  கைது செய்துள்ளதாக சம்மாந்துறை பொலிஸார் தெரிவித்தனர்.

 

பொலிஸாருக்கு கிடைத்த தகவல் ஒன்றினையடுத்து குறித்த பிரதேசத்தில் நேற்று பகல் 12 மணியளவில் நெல் அறுவடை இயந்திரத்தின்  சாரதியாக வேலை செய்து கொண்டிருந்தபோது இந்தியா தமிழ்நாடு விழுப்புரத்தைச் சேர்ந்த 26 வயதுடையவரை கைது செய்துள்ளனர்.

 

இச்சம்பவத்தில் கைது செய்யப்பட்டவரை சம்மாந்துறை நீதவான் நீதின்றத்தில் ஆஜர்படுத்த நடவடிக்கை எடுக்கப்பட்டுள்ளதாக சம்மாந்துறை பொலிஸார் தெரிவித்தனர்.