ரஜினியுடன் மோதும் அமிதாப்

சுப்பர் ஸ்டார் ரஜினிகாந்துடன் பொலிவூட் சுப்பர் ஸ்டார் அமிதாப் பச்சன் மீண்டுமொரு முறை பொக்ஸ் ஒபிஸில் நேரடியாக மோதுவதற்கு தயாராகிவிட்டார்.

எதிர்வரும் ஏப்ரல் மாதம் 11ஆம் திகதி ரஜினியின் கோச்சடையான் முப்பரிமாணத் திரைப்படம் 6 ஆயிரத்துக்கு அதிகமான திரையரங்குளில் 10 மொழிகளில் வெளியாகவுள்ளதாக அதிகாரபூர்வமாக அறிவிக்கப்பட்டுள்ளது.

இந்நிலையில் 2008ஆம் ஆண்டில் வெளியான திகில் நகைச்சுவை திரைப்படமான அமிதாப்பின் பூட்னத் திரைப்படத்தின் பாகம் 2 'பூட்னத் ரிட்டர்ன்ஸ்' திரைப்படமும் அதேநாளில் வெளியிடப்படவுள்ளதாக தகவல்கள் வெளியாகியுள்ளன.

இறுதியாக 2007ஆம் ஆண்டு ரஜினி மற்றும் அமிதாப்பின் படங்கள் நேரடியாக மோதிக்கொண்டன. இப்போது இவர்கள் இருவரினது திரைப்படங்களும் மீண்டும் பொக்ஸ் ஒபிஸில் மோதிக்கொள்ளுமா என்ற அதிகாரபூர்வ தகவல்களுக்காக உலகம் முழுவதிலுமுள்ள ரஜினி மற்றும் அமிதாபின் ரசிகர்கள் காத்திருக்கின்றனர்.

நிஜத்தில் நல்ல நண்பர்களாக ரஜினியும் அமிதாப்பும் இணைந்து அந்தா கனூன், கெராப்தார், டோஸ்டி துஸ்மனி, ஹம் போன்ற ஹிந்தித் திரைப்படங்களில் நடித்துள்ளமை குறிப்பிடத்தக்கது.