இந்தியாவுக்கு 280 ஓட்டங்கள் வெற்றி இலக்கு - முஸ்பிகுர் சதம்

ஆசிய கிண்ணத் தொடரில் இன்றை இரண்டாவது லீக் போட்டியில் முதலில் துடுப்பெடுத்தாடிய பங்களாதேஷ் 50 ஓவர்களில் 7 விக்கெட்டுகளை இழந்து 279 ஓட்டங்களை பெற்றுள்ளது.

 

நடப்பு சாம்பியன் பாகிஸ்தான், இலங்கை, இந்தியா, பங்களாதேஷ் மற்றும் ஆப்கானிஸ்தான் ஆகிய அணிகள் பங்கேற்கும் 12 ஆவது ஆசிய கிண்ணத் தொடர் நேற்று பங்களாதேஷில் ஆரம்பமானது. இதில் ஒவ்வொரு அணியும் மற்ற அணிகளுடன் தலா ஒரு முறை மோத வேண்டும். லீக் முடிவில் முதல் இரு இடங்களை பிடிக்கும் அணிகள் இறுதிப்போட்டிக்கு முன்னேறும்.

 

இந்நிலையில் இன்றைய போட்டியில் நாணய சுழற்சியில் வெற்றி பெற்ற இந்திய அணி முதலில் பங்களாதேஷ் அணியை துடுப்பெடுத்தாடுமாறு பணித்தது.

 

அந்தவகையில் முதலில் துடுப்பெடுத்தாடிய பங்களாதேஷ் அணி 50 ஓவர்களில் 7 விக்கெட்டுகளை மாத்திரம் இழந்து 279 ஓட்டங்களை பெற்றது.

 

அணியின் துடுப்பாட்டத்தில் அனாமுல் ஹக் 77, முஸ்பிகுர் ரஹ{ம் 117 ஓட்டங்களை பெற்றனர். ஏனைய வீரர்கள் சொற்ப ஓட்டங்களுடன் அரங்கு திரும்பினர்.

 

இந்திய அணியின் பந்து வீச்சில் முஹமட் ஹமி நான்கு விக்கெட்டுகளை கைப்பற்றினார்.