இலங்கை - பங்களாதேஷ் இன்று பலபரீட்சை

இலங்கை - பங்களாதேஷ் அணிகளுக்கு இடையிலான 3 போட்டிகள் கொண்ட ஒருநாள் தொடரின் முதலாவது போட்டி டாக்காவில் இலங்கை நேரப்படி இன்று மாலை ஒரு மணிக்கு ஆரம்பமாகவுள்ளது

பங்களாதேஷ{க்கு கிரிக்கெட் சுற்றுப்பயணம் மேற்கொண்டுள்ள இலங்கை அணி அவ் அணியுடனான இரண்டு போட்டிகள் கொண்ட டெஸ்ட் தொடரை 1-0 என்ற கணக்கிலும், இரண்டு போட்டிகள் கொண்ட இருபதுக்கு -20 தொடரை 2-0 என்ற கணக்கிலும் வெற்றி கொண்டுள்ள நிலையில், முதல் போட்டியில் இன்று  களமிறங்குகின்றது.

 

மெத்தியூஸ் தலைமையிலான இலங்கை அணியும் முஸ்பிகுர் ரஹீம் தலைமையிலான பங்களாதேஷ் அணியும் கடும் போராட்டத்தை வெளிப்படுத்தும் என இரு நாட்டு ரசிகர்களுகம் எதிர்பார்த்துள்ளனர்.

 

இரு அணிகளும் இது வரையில் 33 ஒருநாள் போட்டியில் மோதியுள்ளன. இதில் 28 போட்டிகளில் இலங்கை அணியும் 4 போட்டிகளில் பங்களாதேஷ் அணியும் வெற்றி பெற்றிருந்ததோடு ஒரு போட்டி எவ்வித முடிவும் இன்றி முடிவடைந்துள்ளமை குறிப்பிடத்தக்கது.