பாகிஸ்தானுக்கு 297 ஓட்டங்கள் இலக்கு -ஆசியக் கிண்ணம் 2014

இன்று ஆரம்பமான ஆசியக் கிண்ண கிரிக்கெட் தொடரின் முதலாவது போட்டியில் இலங்கை அணி நடப்புச் சம்பியன் பாகிஸ்தானை எதிர்கொண்டுள்ளது.

  பங்களாதேஷின் பதுல்லா விளையாட்டரங்கில் நடைபெறும் இப்போட்டியில் முதலில் துடுப்பெடுத்தாடிய இலங்கை அணி 50 ஓவர்களில் 6 விக்கெட்களை இழந்து 296 ஓட்டங்களைப் பெற்றுள்ளது.

இலங்கை அணியின் ஆரம்ப துடுப்பாட்ட வீரரான லஹிரு திரிமன்ன சிறப்பாக துடுப்பெடுத்தாடி 110 பந்துகளை எதிர்கொண்டு 11 பவுண்டரிகள் மற்றும் ஒரு சிக்ஸர் அடங்கலாக 102 ஓட்டங்களைப் பெற்றார். ஒருநாள் போட்டிகளில் திரிமன்னவின் 2 சதமாகும்.

குமார் சங்கக்கார 67 ஓட்டங்களையும் அணித்தலைவர் மெத்தியூஸ் ஆட்டமிழக்காது 67 ஓட்டங்களையும் பெற்றனர். பாகிஸ்தான் பந்துவீச்சாளர்களில் ஷஹீட் அப்ரிடி மற்றும் உமர் ஆகியோர் தலா இரு விக்கெட்களைக் கைப்பற்றினர்.

இன்னும் சற்று நேரத்தில் பாகிஸ்தான் பதிலுக்கு துடுப்பெடுத்தாடக் களமிறங்கும்.