டுவென்டி- 20 உலக கிண்ணத் தொடருக்கான தென் ஆப்ரிக்க அணி அறிவிப்பு

டுவென்டி- 20 உலக கிண்ணத் தொடருக்கான தென் ஆப்ரிக்க அணி அறிவிக்கப்பட்டுள்ளது.

வங்கதேசத்தில் வரும் மார்ச் 16ம் திகதி முதல் ஏப்ரல் மாதம் 6ம் திகதி வரை ஐந்தாவது டுவென்டி–20 உலக கிண்ணத் தொடர் நடக்கவுள்ளது.

இந்தியா, அவுஸ்திரேலியா உட்பட மொத்தம் 16 அணிகள் மோதுகின்றன.

இதில் குரூப் 1-ல் இடம் பெற்றுள்ள தென் ஆப்ரிக்க அணி, தனது முதல் போட்டியில்(மார்ச் 22) இலங்கையை சந்திக்கிறது, இதற்கான தென் ஆப்ரிக்க அணி அறிவிக்கப்பட்டுள்ளது.

இதில் உள்ளூர் டுவென்டி–20 போட்டிகளில் அசத்திய அறிமுகமற்ற வீரர் ஹென்ரிக்ஸ் இடம் பெற்றுள்ளார், கடந்த 2012 டுவென்டி–20 உலக கிண்ணத் தொடருக்குப் பின், எவ்வித போட்டிகளிலும் பங்கேற்காத ஆல் ரவுண்டர் ஆல்பி மார்கல் மீண்டும் அணிக்கு திரும்பியுள்ளார்.

அணி விவரம்: 

டுபிளசி(அணித்தலைவர்), ஆம்லா, பெகர்டியன், குயின்டன் டி காக், டிவிலியர்ஸ், டுமினி, ஹென்ரிக்ஸ், இம்ரான் தாகிர், டேவிட் மில்லர், ஆல்பி மார்கல், மார்னே மார்கல், பார்னல், பங்கிசோ, ஸ்டைன் மற்றும் டிசாட்சொபே.