மீண்டும் இந்திய அணியில் யுவ்ராஜ் சிங் : 20-20 உலகக்கிண்ண இந்திய அணி அறிவிப்பு

திர்வரும் வரும் மார்ச் 15 ஆம் திகதி பங்களாதேஷில் ஆரம்பமாகவுள்ள 20-20 உலகக்கிண்ண தொடருக்கான 15 பேர் கொண்ட இந்திய அணியின் குழாம் அறிவிக்கப்பட்டுள்ளது.

 தொடர் தோல்விகளால் துவண்டு போயுள்ள இந்திய அணியில்  அடுத்ததடுத்த தொடர்களில் பல்வேறு மாற்றங்கள் இடம்பெறலாம் என  எதிர்பார்க்கப்பட்டது.

இந்நிலையில் இன்று இந்திய அணியின் 20-20 உலகக் கிண்ண குழாம் மற்றும் ஆசிய கிண்ணத் தொடருக்கான குழாம் ஆகிய அறிவிக்கப்பட்டுள்ளது.

பிரதான மாற்றங்களாக இந்திய அணியில் தொடர்ச்சியான இடத்தினை தக்க வைத்துக்கொள்ள போராடும் யுவ்ராஜ் சிங் மீண்டும் 20-20 உலகக்கிண்ண அணியில் இடம்பிடித்துள்ளார். இந்திய அணியில் அண்மையில் அறிமுகமான ஸ்ரூவேர்ட் பின்னியும் குழாமில் இடம்பெற்றுள்ளார். இவர் இரு தொடர்களிலும் இணைக்கப்பட்டுளளார்.

அதேவேளை பந்துவீச்சில் தடுமாறி வரும் இஷாந்த ஷர்மா இரு தொடர்களில் நீக்கப்பட்டுள்ளார்.அதிரடியாக நீக்கப்பட்டுள்ளார். 

ஆசிய கிண்ணத் தொடரில் சுரேஸ் ரெய்னா மற்றும் இஷாந்த ஷர்மா ஆகிய இருவரும் நீக்கப்பட்டுள்ளனர். ஷேஷாத்வர் புஜாராவுக்கு மீண்டும் ஒரு நாள் அணியில் வாய்ப்பு வழங்கப்பட்டள்ளது.

எதிர்வரும் 25ஆம் திகதி ஆரம்பமாகவுள்ள ஆசியக் கிண்ண இந்திய அணியின் 15 பேர் கொண்ட குழாம் விபரம்

மஹேந்திர சிங் டோணி (தலைவர்), ஷிகார் தவான், ரோஹித் ஷர்மா, விராட் கோஹ்லி, சேஷாத்வர் புஜாரா, அம்பட்டி ராயுடு, அஜின்கே ரஹானி, ரவீந்திர ஜடேஜா, அஸ்வின், புவனேஸ்வர் குமார், மொஹம்மட் சமி, ஸ்ரூவேர்ட் பின்னி, வருன் ஆரொன், அமித் மிஸ்ரா, இஸ்வர் பண்டி

20-20 உலகக்கிண்ண குழாம்

மஹேந்திர சிங் டோணி (தலைவர்), ஷிகார் தவான், ரோஹித் ஷர்மா, விராட் கோஹ்லி, சுரேஸ் ரெய்னா, யுவ்ராஜ் சிங், அஜின்கே ரஹானி, ரவீந்திர ஜடேஜா, அஸ்வின், புவனேஸ்வர் குமார், மொஹம்மட் சமி, ஸ்ரூவேர்ட் பின்னி, அமித் மிஸ்ரா, மொஹிட் ஷர்மா, வருன் ஆரொன்