ஐ.பி.எல். ஏலம் நாளை : அதிக விலைக்கு போகும் வீரர் யார்?

7ஆவது ஐ.பி.எல். போட்டிகான வீரர்கள் ஏலம் பெங்களூரில் நாளை புதன்கிழமையும் எதிர்வரும்  13ஆம் திகதி வியாழக்கிழமையும் இடம்பெறவுள்ள நிலையில் எந்த வீரர் அதிக விலைக்கு போகப் போகின்றார் என்ற எதிர்பார்ப்பு கிளம்பியுள்ளது.

 

ஏலப்பட்டியலில் 519 வீரர்கள் இடம் பெற்று உள்ளனர். சர்வதேச வீரர்கள் 219 பேரும் இந்திய வீரர்கள் 169 பேரும் அடங்குவர். மீதியுள்ள 50 பேரும் வெளிநாட்டை சேர்ந்தவர்கள். முதல் தர போட்டியில் விளையாடிய 292 பேர் இடம்பெற்று உள்ளனர்.

 

ஜெயவர்தன, காலீஸ், பீற்றர்சன் மற்றும் இந்திய வீரர்களான ஷேவாக், யுவராஜ் சிங் உட்பட 31 பேருக்கும் அடிப்படை விலையாக ரூ.2 கோடி நிர்ணயிக்கப்பட்டுள்ளது.

 

அதற்கு அடுத்தபடியாக ரூ.1 கோடியும் அடிப்படை விலை நிர்ணயம் செய்யப்படுகிறது.

 

குறைந்த பந்தில் சதம் அடித்த நியூசிலாந்து வீரர் கோரி ஆண்டர்சனுக்கு அதிக கிராக்கி ஏற்பட்டுள்ளது. இந்நிலையில் எந்த வீரர் அதிக விலைக்கு போவார் என்பது நாளைய ஏலத்தில் தெரிய வரும்.